A CEO e Prolimia organizan xornada sobre axudas e Verifactu en Xinzo de Limia
A Confederación Empresarial de Ourense (CEO), en colaboración con Prolimia, celebrará o luns 17 de novembro ás 13:30 no Salón de Plenos do Concello de Xinzo de Limia unha xornada práctica para autónomos e pemes da comarca.
Abordaranse as liñas de axuda vixentes do IGAPE e da Oficina Económica de Galicia, e a adaptación ao novo Regulamento Verifactu (obradoiro impartido por Xesta Formacións), que modificará as obrigas de facturación a partir de 2026.
A xornada incluirá asesoramento individualizado e viño-networking para resolver dúbidas, detectar oportunidades de financiamento e favorecer sinerxías empresariais. O evento forma parte do programa Conecta Ourense Rural, co apoio do Igape.
A inscrición é gratuíta.
Fonte: www.laregion.es
