Deputación de Ourense mobiliza case medio millón de euros en axudas

A Xunta de Goberno da Deputación de Ourense aprobou axudas por un valor de 457.959,45 euros, distribuídos en 9 expedientes.

O presidente provincial, Luis Menor, destacou a concesión de 100.000 euros destinados ao funcionamento de 58 asociacións veciñais da provincia.

Ademais, destináronse preto de 300.000 euros a seis concellos (Castrelo de Miño, Cenlle, Piñor, Vilar de Santos, Vilariño de Conso e Cortegada) para melloras en iluminación pública, pavimentacións, eficiencia enerxética e equipamentos.

Tamén se concederon 62.400 euros ao Club de Fútbol Cented Academy e á Fundación Ramón González Ferreiro para a rehabilitación da granxa de Valverde.

A Deputación presentará unha modificación de crédito de máis de 6,2 millóns de euros, dos cales máis de 6,1 millóns se destinarán a axudar aos concellos afectados polos incendios do verán e a atender servizos municipais.

Luis Menor sinalou que esta modificación de crédito está limitada polas regras fiscais e que, polo tanto, non permite colaborar con outras entidades.