Xinzo de Limia ultima os preparativos para a XXV Festa do Esquecemento

O alcalde de Xinzo, Amador Díaz, visitou o campamento de recreación histórica galaico-romano, xunto con membros da A.C. Civitas Limicorum, como preludio á XXV Festa do Esquecemento, que terá lugar os días 22, 23 e 24 de agosto.

Esta edición especial contará con máis de 50 actividades gratuítas no centro da vila, incluíndo o regreso do Gran Circo Romano con carreiras de cuadrigas e combates de gladiadores.

O Concello destaca que será a edición máis segura, con reforzo de medios de seguridade e prevención, incluíndo máis puntos de auga, extintores e persoal de seguridade.

Amador Díaz subliñou a importancia da festa e o compromiso social, anunciando que os fondos recadados coa venda de merchandising se destinarán a apoiar aos territorios afectados polos incendios forestais.