Civitas Limicorum destinará a recadación da Festa do Esquecemento á reconstrución tras os incendios
A Asociación Cultural Civitas Limicorum destinará os ingresos da venda de merchandising oficial da XXV Festa do Esquecemento a apoiar a reconstrución das zonas da Limia e Ourense afectadas polos incendios forestais.
Os fondos recadados ingresaranse directamente na conta habilitada polo Concello de Cualedro.
Ademais, a organización da festa introduciu medidas de prevención adicionais en sinal de respecto ás zonas afectadas:
- O desfile do venres á noite realizarase sen prender os fachos.
- O Lume Sagrado permanecerá apagado durante toda a celebración.
- Reforzouse o plan de autoprotección con máis extintores e puntos de auga.
- A organización coordinarase coa Policía Local, Protección Civil e servizos de emerxencia.
Fonte: www.dendealimia.com
