Celebrarase a Feira das Mozas en Xinzo o 1 de xuño

O Concello de Xinzo de Limia e a asociación A Pantalla organizan a cuarta edición da Feira das Mozas, trala suspensión pola chuvia. O evento, que busca recuperar o espírito das antigas feiras da comarca, terá lugar o 1 de xuño de 12:00 a 22:00.

Haberá un mercado de artesanía, música de charangas, xogos populares organizados polo CDR O Viso (16:30), e un espectáculo de marionetas e música con Monifates (17:30).

Pola tarde, Tahume ofrecerá unha mostra de baile e música tradicional (19:00), seguida dunha verbena tradicional con A Música de Cecebre (20:00). A xornada rematará cunha foliada aberta a partir das 21:30.

Fonte: www.lavozdegalicia.es