Xinzo de Limia acolle unha nova e ilusionante iniciativa que promove o deporte base local. Os clubs E.D.C. Xinzo de Limia, A.B. Xinzo, Club Kárate Xinzo e A.D. Limiactiva unen forzas para lanzar unha colección de cromos protagonizada polos seus deportistas.
Esta colección pretende ser un recordo único para as familias e, ao mesmo tempo, unha excelente ferramenta para impulsar o deporte base entre a veciñanza. A iniciativa inclúe dous álbums que recollen as seguintes disciplinas:
- Club Limiactiva
- Baloncesto Xinzo
- Club Kárate Xinzo
- Escolas Deportivas Concello de Xinzo (ximnasia, fútbol sala e fútbol)
Os sobres de cromos estarán á venda en varios puntos de distribución de Xinzo de Limia, facilitando a participación de toda a veciñanza. Para máis información e novidades, segue as redes sociais dos clubs participantes.
Esta iniciativa demostra o compromiso dos clubs e do Concello de Xinzo de Limia co deporte federado de base, recoñecendo o traballo e a dedicación dos mozos e mozas deportistas, e resaltando a importancia dun estilo de vida activo e saudable.
