Condenado en Ourense por agredir á súa parella en Xinzo de Limia

Un home foi condenado no Xulgado do Penal 1 de Ourense por un delito de malos tratos no ámbito familiar. O acusado recoñeceu ter agredido á súa compañeira sentimental a noite do 13 de febreiro nunha vivenda de Xinzo de Limia, golpeándoa nun pé durante unha discusión.

Como consecuencia da agresión, a vítima precisou asistencia médica e denunciou os feitos á Garda Civil. O agresor foi detido e posteriormente se lle impuxo unha orde de afastamento de 150 metros, que agora se prorroga.

A sentenza inclúe unha pena dun ano de prisión, que queda suspendida a condición de que o acusado indemnice á vítima con 90 euros e realice un curso de reeducación para maltratadores. Tampouco poderá manter contacto coa vítima durante dous anos.