Programación Semana Santa 2025 – Xinzo de Limia

Xinzo de Limia, 08 de abril de 2025.

O Concello de Xinzo de Limia vén de presentar unha ampla e variada programación cultural con motivo da Semana Santa 2025, que se celebrará entre o sábado 12 e o domingo 20 de abril. En total, máis de 20 actividades de balde conforman unha proposta pensada para todos os públicos, con especial atención ás crianzas e á participación familiar.

O programa comeza o sábado 12 co tradicional Concerto de Primavera da Agrupación Musical da Limia e continúa cunha intensa semana de cursos tecnolóxicos, contacontos, presentacións literarias e obradoiros creativos, como a elaboración de queixos ou ovos de Pascua de chocolate. A Casa da Cultura e a Biblioteca Antelana acollerán boa parte das propostas.

Un dos momentos máis agardados será o concerto da Orquestra Kubo, que actuará o Domingo de Ramos ás 19:00 horas na esplanada do Toural. Tamén destaca a segunda edición do Torneo de Xadrez Vila de Xinzo, que se desenvolverá durante dúas xornadas no Casino Antelano, e a actividade especial dos auto tolos, un paseo motorizado para cativos polas rúas do casco histórico que require inscrición previa.

A programación complétase con tres actos relixiosos principais: a bendición dos ramos e procesión desde a Igrexa Vella o domingo 13 ás 12:00 horas; a procesión de Xesús na Horta das Oliveiras o xoves 17 ás 19:00 horas; e a do Santo Enterro o venres 18 ás 21:00 horas, ambas dende a Igrexa Nova.

Paralelamente, como accións orientadas á conciliación familiar, desenvolveranse o campus de inglés Easter Camp e o campus deportivo de Ociosaugal, cunha oferta complementaria que reforza o compromiso do Concello co apoio ás familias durante o período vacacional.

Segundo declarou o concelleiro de Cultura, Carlos Gómez, “trátase dunha programación variada, completa e aberta a todos os públicos, cunha especial atención á infancia, que poderá participar en actividades lúdicas, culturais e educativas nun ambiente seguro e accesible”.

PROGRAMACIÓN DETALLADA:

SÁBADO 12 DE ABRIL

• Concerto de Primavera – Agrupación Musical da Limia
  
  17:30 h – Casa da Cultura

DOMINGO DE RAMOS – 13 DE ABRIL

• Acto relixioso: Bendición dos Ramos e procesión dende a Igrexa Vella – 12:00 h
• Sesión vermú con LETHX SOUND
  
  13.30 h – Praza Maior
• Orquestra KUBO
  
  19:00 h – Esplanada do Toural

LUNS 14 DE ABRIL

• Curso de Realidade Virtual con Oculus Quest
  
  11:00 h – Aula CEMIT, Casa da Cultura
  
  Prazas limitadas. Inscricións na Casa da Cultura do 7 ao 11 de abril.
• Obradoiro de Ovos de Pascua de Chocolate
  
  16:00 a 18:00 h – Casa da Cultura
  
  Prazas limitadas. Inscricións na Casa da Cultura do 7 ao 11 de abril.

MARTES 15 DE ABRIL

• Curso de Introdución á Impresión 3D
  
  11:00 h – Aula CEMIT, Casa da Cultura
  
  Prazas limitadas. Inscricións na Casa da Cultura do 7 ao 11 de abril.
• Obradoiro de Ovos de Pascua de Chocolate
  
  16:00 a 18:00 h – Casa da Cultura
  
  Prazas limitadas. Inscricións na Casa da Cultura do 7 ao 11 de abril.

MÉRCORES 16 DE ABRIL

• Obradoiro de Elaboración de Queixos
  
  12:00 h – Casa da Cultura
  
  Prazas limitadas. Inscricións na Casa da Cultura do 7 ao 11 de abril.
• “A árbore das palabras” – Contacontos
  
  17:00 h – Biblioteca Antelana

DO 7 DE ABRIL AO 12 DE MAIO

• Exposición fotográfica: #Usentimento
  
  Casa da Cultura

XOVES 17 DE ABRIL

• “A terrorífica historia de Aba” – Contacontos
  
  18:30 h – Biblioteca Antelana
• Acto relixioso: Procesión dende a Igrexa Nova – Xesús na Horta das Oliveiras – 19:00 h

VENRES 18 DE ABRIL

• Presentación do libro “Pero… como morren as pegas”
  
  20:00 h – Biblioteca Antelana
• Acto relixioso: Procesión dende a Igrexa Nova – Santo Enterro – 21:00 h

SÁBADO 19 DE ABRIL

• Homenaxe a José Gil, practicante de Xinzo de Limia
  
  12:00 h – Salón de Plenos do Concello
  
  Entrega da Medalla de Ouro do Concello a título póstumo
• II Torneo de Xadrez Vila de Xinzo
  
  16:00 a 20:00 h – Casino Antelano, Club Xadrez Lethes
• Auto tolos
  
  17:00 a 19:00 h – Praza Maior e rúas de Xinzo
  
  Paseo en auto tolo para cativos, previa inscrición. Prazas limitadas.

DOMINGO 20 DE ABRIL

• II Torneo de Xadrez Vila de Xinzo (continuación)
  
  16:00 a 20:00 h – Casino Antelano, Club Xadrez Lethes
• Concerto de Marta Bravo e Serxio Tannus: Alegría
  
  13:00 h – Praza Maior

O director da Sociedade Anónima de Xestión do Plan Xacobeo de Galicia, Ildefonso de la Campa Montenegro, será o protagonista da quinta conferencia do ciclo «Os camiños de Santiago»: o Camiño Portugués da Vía da Prata por Zamora, Tras-Os-Montes e Ourense, organizado por UNED Zamora e UNED Ourense.

Esta conferencia, que se celebrará o mércores 2 de abril ás 19:00 horas no salón de actos da Casa da Cultura de Xinzo de Limia, terá como temática «Realidades e perspectiva de desenvolvemento da Vía da Prata».

A entrada será libre ata completar aforo, e a conferencia poderase disfrutar grazas á colaboración de Turismo de Galicia co proxecto da UNED.

O Diario Oficial de Galicia publica hoxe a declaración do Entroido galego como Ben de Interese Cultural (BIC). A Xunta de Galicia conclúe así o proceso de recoñecemento do seu valor singular como patrimonio inmaterial do pobo galego, aplicándoselle o réxime de tutela da Lei de Patrimonio Cultural e garantindo o máximo nivel de protección.

Esta culminación chega tras a aprobación do decreto polo Consello da Xunta o luns 3 de marzo, e despois de recibir informes favorables do Consello da Cultura Galega e do Museo do Pobo Galego, sen rexistrarse ningunha alegación. A Consellería de Cultura, Lingua e Xuventude remata así o proceso iniciado en 2024, distinguindo o Carnaval galego pola súa «honda carga histórica, etnográfica e cultural» e a súa «gran contribución» ao patrimonio inmaterial, destacando a súa relevante presenza nas artes e nas letras, dentro e fóra de Galicia.

O decreto destaca as múltiples funcións sociocomunitarias e culturais do Entroido, valorando o seu papel en «reafirmar os lazos de identidade colectiva dun lugar, aldea, parroquia ou concello, a través da manifestación dun espírito lúdico e festivo», favorecendo a «sociabilidade, a integración e inclusión social e unha rica convivencia interxeracional».

A declaración como BIC enaltece a riqueza, diversidade e multitude de expresións singulares do Entroido, facendo fincapé na súa «pluralidade e extensión por todo o territorio galego». De feito, 191 dos 313 concellos galegos (61%) elixen unha data vinculada ao carnaval como festivo local.

Con esta aprobación, son xa 784 os Bens de Interese Cultural existentes en Galicia. Desses, 111 foron declarados desde a entrada en vigor da Lei de Patrimonio Cultural de 2016, reflectindo o compromiso do Goberno por protexer, conservar e poñer en valor o patrimonio singular da Comunidade.

Ampla distinción á celebración

A consideración como BIC abrangue toda a celebración do Entroido en Galicia, e non se limita a festivos concretos. Algúns deles xa contaban con esta distinción, como os de Santiago de Arriba (Chantada), Salcedo (A Proba do Brollón) e Esgos, declarados BIC no marco da declaración do Paisaxe Cultural da Ribeira Sacra en 2018.

O decreto tamén ten en conta varios carnavales con recoñecemento como festas de interese turístico: Xinzo de Limia (internacional), Verín (nacional), e outros nove de interese turístico galego: Cobres, Laza, Viana do Bolo, o Folión tradicional do Carnaval de Manzaneda, o xeral da Ulla, Maceda, Vilariño de Conso, Foz e o Enterro da Sardina de Marín.

A distinción inclúe os vínculos coa gastronomía, destacando a súa relevancia na vida social. Existen cinco festas gastronómicas de interese turístico relacionadas co Entroido: a Feira do Cocido de Lalín (internacional), as festas da Filloa de Lestedo, do Lacón con Grelos de Cuntis, da Androlla de Viana do Bolo e do Botillo do Barco de Valdeorras.

O emprego da máscara como elemento característico, vinculado ás raíces rurais, aínda que estendido a carnavales urbanos, tamén é destacado. O Entroido presenta ritos, normas, expresións e materialidade que «cambian e adaptanse aos tempos, constituíndo un patrimonio cultural vivo e valioso».

Medidas de salvagarda

O decreto inclúe medidas de salvagarda para a preservación, transmisión e revitalización deste BIC. Recoméndase o arquivo e sistematización de documentos para unha «comprensión máis eficaz e completa» e a súa preservación futura. Suxírese a incorporación á enseñanza «formal e non formal» e a creación dun repositorio do Entroido galego con documentación, testemuños e material audiovisual.

Xinzo de Limia, 6 de marzo de 2025.

No marco da conmemoración dos 900 anos do Foral de Ponte de Lima, o pasado 3 de marzo celebrouse no Palacete limiano de Villa Moraes un encontro de municipios irmandados coa vila portuguesa. O Concello de Xinzo de Limia estivo representado por Carlos Gómez Salgado, segundo tenente de alcalde e concelleiro de Cultura, Turismo e Relacións Institucionais, quen asinou a renovación do protocolo de irmandamento entre ambas vilas, tras 41 anos de vixencia.

Ponte de Lima e Xinzo de Limia están unidas desde o 16 de abril de 1984, sendo este o primeiro acordo de irmandamento da vila portuguesa con outro municipio. Ademais da renovación deste acordo, Ponte de Lima reafirmou os seus lazos con Chalette-sur-Loing e Vandœuvre-lès-Nancy (Francia), e con Río de Xaneiro (Brasil). Simultáneamente, asinouse tres novos protocolos de irmandamento con Saint-Cyr-l’École (Francia), Allariz (Ourense, España) e Dujiangyan (China).

Estes acordos de irmandamento pretenden fomentar a cooperación entre municipios mediante o intercambio de experiencias e boas prácticas en diversos ámbitos, promovendo a colaboración cultural, científica, deportiva, comercial e industrial entre cidadáns, empresas e institucións.

Durante décadas, Xinzo de Limia e Ponte de Lima manteñen unha estreita relación grazas a continuas actividades e intercambios culturais, educativos e medioambientais. Esta colaboración intensificouse a partir de 2011, coa colaboración da Asociación Civitas Limicorum en proxectos conxuntos. Entre as iniciativas máis relevantes destacan o Abrazo ao Río Limia (2012), a recreación en Ponte de Lima do paso do río Lima polas lexións de Décimo Xuño Bruto e a participación de Xinzo de Limia no Corteo Histórico das Feiras Novas en varias edicións.

Outros intercambios habituais inclúen a presenza de Xinzo na Feira do Medio Ambiente, a celebración do Día de Xinzo en Ponte de Lima e a participación de grupos musicais de ambas localidades, especialmente gaitas e corais. Esta tradición continuará o 29 de marzo, coa actuación do Orfeão Limiano de Ponte de Lima no Festival de Corais organizado pola Coral Santa Mariña de Xinzo de Limia. Ademais, o 11 e 12 de xuño celebrarase en Xinzo o Abrazo ao Río Limia, e o 15 de agosto haberá representación do folclore, música e tradición de Xinzo no Festival das Cidades Irmandadas en Ponte de Lima.

Tras o falecemento do coñecido presentador de televisión Xosé Manuel Piñeiro, aos 68 anos vítima dun cancro, a vila de Allariz rendeulle unha emotiva homenaxe a unha das súas figuras máis emblemáticas.

A incineración tivo lugar na intimidade familiar tras un funeral cargado de emocións, no que estiveron presentes diversas personalidades do mundo da televisión autonómica e da política galega.

Entre os asistentes destacaron o presidente do Parlamento Galego, Miguel Ángel Santalices; Tonhito de Poi; e a actriz e presentadora Diana Nogueira, que se achegaron para despedir ao carismático comunicador.

No transcurso do funeral, a sobriña de Piñeiro, Lucía, pronunciou unhas palabras en lembranza do seu tío, destacando a súa gran popularidade e o abrumador cariño recibido pola familia tras a súa morte. Lucía expresou a gratitude pola inmensa cantidade de mostras de afecto recibidas, tanto de persoas maiores como de público máis novo, lembrando o afecto que Piñeiro sempre tivo por todos eles.

Xosé Manuel Piñeiro saíu da igrexa de Santiago entre un mar de aplausos e demostracións de cariño cara á súa familia, nun templo alaricano abarrotado de asistentes.

Pouco antes das 18:00 horas do xoves 23 de xaneiro, os seus restos foron soterrados no camposanto de Allariz, a vila que o viu nacer, crecer e alcanzar o éxito como comunicador.

Numerosos familiares e amigos despidiron esta tarde a Xosé Manuel Piñeiro, recordando os bos momentos compartidos co célebre presentador de televisión.

O funeral terá lugar mañá, ás 16:00 horas, na Igrexa de Santiago. A incineración se realizará posteriormente no ámbito familiar.

«Superpiñeiro», sempre carismático, deixou unha esquela na que se pode ler: «Moitas grazas querida parroquia, por todos estes anos de felicidade».

Xosé Manuel Piñeiro faleceu na noite do martes en Santiago de Compostela aos 68 anos, tras unha longa loita contra o cancro. Un dos rostros máis representativos da televisión pública galega nos anos 90, xunto a figuras como Xosé Ramón Gayoso, deixou unha profunda pegada no panorama audiovisual galego.

A noticia da súa morte provocou unha ola de emocións nas redes sociais, onde amigos, seguidores e profesionais expresaron a súa dor pola perda deste pioneiro. O programa «Galicia por Diante» de Radio Galega dedicoulle unha emotiva lembranza, resumida na frase: «Marchou un dos grandes e nós quedamos tristes e sós».

As mensaxes de condolencias á súa familia e compañeiros foron constantes, destacando o seu legado e a influencia que tivo no mundo da comunicación. Nado en Allariz en 1957, licenciouse en Filosofía e Ciencias da Educación, traballando como educador e profesor antes de dedicarse plenamente á comunicación.

Coñecido como «Superpiñeiro», grazas ao seu exitoso programa «Supermartes» (1992-2005), converteuse nun rostro querido da Televisión de Galicia, polo seu estilo próximo e carismático. A súa presenza estendeuse tamén á Radio Galega, onde a súa voz cativou a audiencia.

Ao longo de máis de 30 anos colaborou en numerosos programas da TVG e da Radio Galega, ademais de escribir columnas en diversos medios. A súa versatilidade e compromiso consolidárono como un referente. En 2014 recibiu o Premio Rebulir da Cultura Galega e en 2020 a Medalla Castelao.

Presentou programas como «Tequelexou», «Téquele, téquele», «Acompáñenos», «Bamboleo» e «Pequenos Fenómenos», así como numerosas galas e especiais. En 2018 anunciou a súa retirada temporal da televisión para combater un mieloma múltiple, un cancro da medula ósea. A súa decisión de facer pública a súa enfermidade foi un exemplo de transparencia e normalización desta realidade.

Tras un tempo dedicado á súa saúde, regresou á televisión e á radio en varias ocasións. A súa capacidade de resiliencia e o seu humor característico quedaron impresos na memoria dos galegos.

A partida de «Superpiñeiro» deixa un baleiro na televisión e no corazón de quen o admiraba. O seu legado perdurará como símbolo de profesionalismo, dedicación e como un exemplo de identidade audiovisual galega e resiliencia fronte á adversidade.

¿Qué es Galicia para ti? ¿Qué relación tienes con la lengua gallega?
Es algo que llevo muy dentro, muy en el corazón. Creo que Fernando Ónega y yo somos los periodistas que más ejercemos de gallegos en Madrid. Otra cosa que me parece muy característica es que todos los gallegos tenemos aldea.

Respecto al gallego, lamento mucho no pertenecer a la generación que vivió el renacer de las lenguas regionales. Se está haciendo muy buen trabajo por fomentar el gallego en el plan educativo, me parece importantísimo, siempre que no sea discriminatorio para el castellano, porque es la lengua que nos une y nos lleva hacia el exterior. 
Comenzaste a estudiar arquitectura pero luego cambiaste a periodismo y has tenido una larga trayectoria en diferentes medios de comunicación. ¿Qué le dirías hoy en día a las personas que quieren dedicarse al periodismo?
 
Ahora mismo mi consejo es que no estudien periodismo, porque no hay trabajo. Sí es muy importante estudiar algo, formarse, tener un oficio y leer muchísimo. El periodismo se aprende en una redacción. Por eso pienso que es mucho mejor tener otro oficio y luego entrar en un medio de comunicación, para evitar la frustración que tienen hoy muchas personas que han estudiado periodismo y que no encuentran trabajo. Hay muchas fórmulas para trabajar en comunicación, pero la realidad es que hoy en día los medios dependen demasiado de la publicidad y hay mucha precariedad laboral en España. 
 
¿Qué es lo que más miedo te da del momento político actual? 
Yo nunca he visto tanto empobrecimiento en España como ahora. O tienes una familia que te apoya, o te tienes que ir fuera. Seremos la segunda economía de Europa, pero en bienestar social estamos a la cola. Lo que más miedo me da es que tenemos un gobierno que miente. Tuve la suerte de ser periodista durante la transición y conocer a sus grandes figuras, pero hoy miro el Congreso y siento que hay un desierto, tanto en el gobierno como en la oposición. Los debates son paupérrimos, los titulares los dan los insultos. A los lectores sanchistas les va a molestar lo que digo. Para mi es mucho más grave la corrupción moral que la corrupción del dinero. Yo me llevaba muy bien con Pedro Sánchez hasta que me mintió, eso lo cuento en mi último libro.  
Este último libro “Lo que yo recuerdo” es un repaso a tus más de 50 años de profesión. ¿Qué será lo próximo? 
 
Va a ser mi último libro, no voy a escribir nada más porque ahí ya cuento todo lo que he sido, lo que pienso y las situaciones insólitas que he vivido a lo largo de mi vida que son muchísimas. 

Premios de Xornalismo Carlos Casares 2024.

El libro no podrá comprarse en el acto de este viernes, pero Cernuda firmará encantada si las personas asistentes deciden llevar un ejemplar para ello. La entrega del premio de Xornalismo Literario Carlos Casares, organizado por la Fundación Carlos Casares, tendrá lugar el 20 de diciembre en el Casino Antelano de Xinzo de Limia a las 20:00 horas con entrada libre. 
 

Samhain: orgullo polo noso

Baile da Santa Compaña

Obradoiros Infantís

Procesión de Ánimas

Rita, «a muller de lume».

As Bruxas elaborando a Queimada

CARTEL SAMHAIN CASTREXO 2024

Os concelleiros Ricardo Sieiro e Ángeles Martínez.

Exposición «Castelao Grafista»

Exposición «Castelao Grafista» II