Xinzo de Limia acolle a Asemblea Anual da Asociación Española de Festas e Recreacións Históricas

Case medio centenar de representantes de festas históricas de toda España reúnense en Xinzo de Limia para a Asemblea Anual da AEFRH.

A organización corre a cargo da Asociación Cultural Civitas Limicorum, responsable da Festa do Esquecemento, en colaboración co concello de Xinzo e a Xunta de Galicia.

O programa inclúe reunións internas, visitas culturais e actividades de convivencia. O Gran Desfile de Recreación Histórica, con máis de 200 participantes, terá lugar o sábado 10 de maio ás 20:00 desde o MUGAE ata a Estación de Autobuses.

A asemblea celebra o 25 aniversario da AEFRH e da Civitas Limicorum. Marcos Argibay, presidente da Civitas Limicorum, destacou que Xinzo é «capital estatal da recreación histórica».

A asemblea tamén serve para reforzar a solicitude de converter ó Esquecemento en Festa de Interese Turístico de Galicia.

Lugo será a cidade anfitrioa da asemblea o ano que vén.