Curso de Agricultura Ecolóxica en Xinzo de Limia

Xinzo de Limia acollerá dende o 8 de maio ata o 22 de setembro un curso de Agricultura Ecolóxica (AGAU0108). A formación, de 508 horas, está dirixida a 15 alumnos e outorgará un título oficial con certificado Profesional de Nivel 2.

Os participantes recibirán formación en manexo do solo, operacións de cultivo e recolección ecolóxicas, mecanización e instalacións agrarias, prevención e manexo sanitario do agroecosistema, e técnicas de equilibrio entre parásitos e patógenos.

Tamén se impartirá formación en igualdade, inserción laboral e sensibilización medioambiental.