Xornada de Campo na Limia sobre Agricultura Sustentable

O Instituto de Agroecoloxía e Alimentación da Universidade de Vigo celebra hoxe unha xornada de campo na Finca Antela (Sandiás, Ourense) da Deputación de Ourense.

De 18:00 a 21:00, presentaranse os avances dos proxectos Agrosus e SoildiverAgro, enfocados en ofrecer ferramentas para unha agricultura máis sustentable e economicamente viable na comarca da Limia.

Agrosus amosará resultados sobre o control de malas herbas en trigo mediante unha grada de púas flexible, como alternativa aos herbicidas. SoildiverAgro destacará os beneficios da introdución de legumes en rotacións de cultivos, incluíndo resultados prometedores sobre o incremento de producións e a redución de nitrato ao abonar.

Ademais, presentaranse investigacións sobre o uso de Plantas Trampa para reducir os quistes de nemátodos nas patacas.