Xinzo de Limia celebra a II Concentración Nacional de Vestais
O sábado 31 de maio, Xinzo de Limia acolle a recreación histórica das Vestalias, organizada pola A.C. Civitas Limicorum co apoio do Concello.
Participarán vestais de Emerita Augusta (Mérida), Asturica Augusta (Astorga) e Civitas Limicorum, nun encontro simbólico arredor do lume sagrado da deusa Vesta.
O evento comezará ás 20:30 horas co desfile desde o Museo Galego do Entroido pola vila ata a Praza Maior, onde se representará a obra «Vesta é a Lei», seguida do espectáculo «O lume que nos une» e a Danza do Lume Sagrado. Tamén haberá lanzamento de faroliños.
As Vestalias buscan divulgar o legado histórico e o papel das mulleres como axentes de cohesión social, conectando a antigüidade cos valores de igualdade e empoderamento.
Esta actividade forma parte dos actos previos ao 25º aniversario da Festa do Esquecemento, en agosto de 2025.
Fonte: www.diariodolimia.gal
