Dende 1840, a localidade da Saínza (Rairíz de Veiga) celebra unha recreación histórica, unha das máis antigas do seu tipo. A representación, con ambientación e vestiario de época, incluíu desafíos dialécticos e un enfrontamento no Castelo da Saínza.
O argumento xirou en torno ao roubo do estandarte da Nosa Señora da Mercé polos mouros, que culminou coa vitoria do bando cristián.
Ao evento asistiron autoridades como a alcaldesa de Rairíz de Veiga, Asunción Morgade, e o delegado territorial da Xunta, Manuel Pardo.
