A Cabalgata de Reis Magos chega a Xinzo de Limia!
Este domingo, 5 de xaneiro, a maxia da Cabalgata de Reis Magos encherá Xinzo de Limia de ilusión para toda a familia.
A saída está prevista ás 17:30 horas desde a Praza Carlos Casares. A comitiva real percorrerá as rúas principais, pasando pola Praza Maior e a rúa Dous de Maio, ata chegar ao Pavillón de Deportes ás 18:00 horas, onde se realizará a recepción oficial dos seus Maxestades.
En caso de chuvia, a cabalgata quedará suspendida, manténdose unicamente a recepción dos Reis Magos no Pavillón de Deportes ás 18:00 horas.
Como cada ano, os Reis Magos visitarán previamente a residencia de maiores para compartir un momento entrañable cos nosos anciáns.
Para máis información ou posibles cambios de última hora, consúltense as redes sociais oficiais do Concello de Xinzo de Limia.
Fonte: www.dendealimia.com
