Sesións semanais de xogo do muíño en Xinzo de Limia

A A.C. Civitas Limicorum organiza sesións semanais abertas ao público para aprender e practicar o xogo romano do muíño. As sesións, gratuítas e sen inscrición previa, celebraranse todos os venres de 18:00 a 19:00 horas na sede da Academia Galespace (Rúa Curros Enríquez, Xinzo de Limia). Están dirixidas a público infantil, xuvenil e adulto.

Esta iniciativa busca achegar o patrimonio histórico e as raíces culturais da antigüidade galega e romana á cidadanía dunha forma lúdica e intégrase na programación da XXV Festa do Esquecemento.