Xinzo de Limia mellora a rede de saneamento na rúa Cerdeiro

O Concello de Xinzo de Limia está a renovar a rede de saneamento na rúa Cerdeiro, substituíndo 150 metros de tubaxe obsoleta.

Esta actuación, cun investimento de 47.997,63 euros de fondos propios, busca solucionar os problemas derivados do diámetro insuficiente da rede actual.

Para o correcto desenvolvemento dos traballos, o Concello informa de que o luns, 2 de xuño, non se poderá aparcar na marxe esquerda da rúa (acceso desde San Sebastián).

Esta obra forma parte dun plan de renovación das redes de abastecemento e saneamento para mellorar os servizos públicos e responder ao crecemento poboacional.