​A Universidade de Maiores da USC ofrecerá tres sesións formativas na Casa da Cultura de Xinzo de Limia durante o mes de maio

Xinzo acolle sesións formativas da USC para maiores de 50 anos

A Casa da Cultura de Xinzo de Limia será a sede de tres sesións formativas do IV Ciclo do Programa Universitario de Maiores da Universidade de Santiago de Compostela (USC) durante o mes de maio.

As sesións, dirixidas a persoas maiores de 50 anos, terán lugar os sábados de 10:00 a 13:00 e abordarán:

• 10 de maio: «Historia da fotografía», por Katia Cino Rouco (USC).
• 24 de maio: «Escritura creativa», con Ánxela Gracián.
• 31 de maio: «Especies arbóreas na nosa terra», por Blanca Fraga Cimadevila (USC).

A matrícula é gratuíta e pode realizarse na Casa da Cultura ou a través do correo electrónico [email protected].

O proxecto conta co apoio da Xunta de Galicia e dos concellos de Xinzo de Limia e Verín, en colaboración coa USC.