A Asociación Civitas Limicorum celebrou a súa primeira asemblea anual, marcando o inicio dos preparativos para a XXVI Festa do Esquecemento. Durante o encontro, certificouse o crecemento do colectivo, que xa conta con un total de 700 socios.
A gran cita histórica, que recrea o ano 137 a.C., terá lugar os días 21, 22 e 23 de agosto de 2026. Esta edición será a máis importante ata o momento, xa que prevé contar coa participación récord de 54 grupos. O obxectivo da directiva, encabezada por Marcos Argibay, é aumentar a integración da vila de Xinzo no evento, fomentando que a veciñanza participe activamente vestíndose de época.
Como antesala á celebración principal, o vindeiro sábado 30 de maio celebrarase a terceira edición das Vestalias 2026 na Praza Maior. Este evento contará coa presenza de delegacións de Astorga, Mérida e Lugo, e incluirá actividades para nenos e o tradicional lanzamento de faroliños á medianoite.
