A asociación Civitas Limicorum xa traballa na organización da XXVI Festa do Esquecemento, que se celebrará os días 21, 22 e 23 de agosto en Xinzo de Limia. Durante a súa primeira asamblea de socios deste ano, o presidente da entidade, Marcos Argibay, destacou o crecemento do colectivo, que xa conta con preto de 700 asociados.
Esta edición marcará un récord de participación cun total de 54 grupos. Un dos obxectivos centrais da organización é fomentar a integración da comunidade local, buscando que os veciños de Xinzo participen activamente vestíndose de época como romanos ou castrexos.
Como antecámara do evento principal, este sábado celebraráse na Praza Maior a terceira edición de Vestalias. Esta celebración contará coa presenza de delegacións de Astorga, Mérida e Lugo, e introducirá novidades como un espazo infantil a partir das 17:00 horas e o lanzamento de farolillos á media noite para pedir desexos.
