Aberto o prazo para o campamento rural do CDR O Viso en Lodoselo

O Centro de Desenvolvemento Rural O Viso abre o 26 de maio o prazo de solicitude para o seu campamento rural de verán en Lodoselo, dirixido a nenos e nenas de 3 a 12 anos.

O campamento oferta 160 prazas, divididas en catro quincenas con grupos de 40 participantes. O prazo de inscrición remata o 31 de maio.

Desenvolverase do 1 de xullo ao 30 de agosto, en horario de mañá (9:30-13:30), buscando a conciliación familiar no rural. Camilo Vila, pedagogo do CDR, destaca a importancia da aldea como espazo de xogo e aprendizaxe, combinando novas tecnoloxías e a vida rural.

O campamento ofrecerá transporte colectivo dende Xinzo.