Civitas Limicorum solicita que a Festa do Esquecemento sexa declarada de Interese Turístico Galego

A Asociación Cultural Civitas Limicorum presentou por terceira vez a solicitude para que a Festa do Esquecemento obteña o recoñecemento de Evento de Interese Turístico Galego. Marcos Argibay, presidente da asociación, sinala que este é o principal obxectivo no 25º aniversario da festa.

Agardan recibir a resolución antes da celebración da festa e confían en que sexa favorable. Argibay destaca o potencial da Festa do Esquecemento para atraer turistas, tomando como exemplo o Arde Lucus.

A recente celebración da Asemblea Estatal de Recreación Histórica en Xinzo de Limia, con 50 delegacións e máis de 140 participantes, demostra o interese a nivel estatal pola festa.