Xinzo de Limia acollerá o primeiro desfile oficial da Garda Civil na vila

O xoves 22 de maio, ás 12:00 horas, a Praza Carlos Casares de Xinzo de Limia será o escenario da primeira parada militar e desfile oficial da Garda Civil na localidade, con motivo do 181 aniversario da fundación do corpo.

O evento, organizado pola Comandancia da Garda Civil en Ourense, contará coa presenza de autoridades, representación institucional e membros de diversas unidades da Garda Civil.

O Concello de Xinzo manifestou o seu agradecemento pola elección da vila como sede desta celebración, destacando o vínculo e a colaboración entre a administración local e as Forzas e Corpos de Seguridade do Estado.