Xinzo de Limia facilita a consulta online das franxas de xestión de biomasa

O Concello de Xinzo de Limia pon a disposición dos veciños un visor cartográfico online para consultar a localización e extensión das franxas secundarias de xestión obrigatoria da biomasa, tal e como estipula a Lei de Montes de Galicia.

A ferramenta, accesible a través da plataforma «ArcGIS» da Xunta de Galicia, permite aos usuarios coñecer as áreas onde deben realizar a limpeza de vexetación combustible nos primeiros 50 metros preto de vivendas, núcleos de poboación, estradas ou infraestruturas sensibles, co fin de previr incendios.

O Concello apela á responsabilidade individual no cumprimento desta normativa, lembrando que o incumprimento pode levar a medidas por parte da administración local.