O BNG culpa á Xunta pola posible declaración da Limia como Zona Vulnerable a Nitratos

O Bloque Nacionalista Galego (BNG) responsabiliza á Xunta de Galicia pola inacción dos últimos anos ante a inminente declaración da Limia como Zona Vulnerable a Nitratos. O concelleiro de Xinzo, Camilo Vila, logrou o apoio unánime das forzas políticas para esixir á Xunta a publicación do Plan Estratéxico da Limia, oculto durante catro anos.

Segundo Vila, a Consellería de Medio Rural «xogou co pan de miles de persoas». A moción aprobada inclúe a solicitude de informes á Confederación Hidrográfica Miño-Sil e a actualización dos datos de 2019, que motivan a declaración. Ademais, proponse a creación de mesas de traballo cos colectivos afectados: agricultores, gandeiros, sindicatos, a IXP Pataca de Galicia e o Campus da Auga da Universidade de Vigo.

Marcos Nogueiras, responsable comarcal do BNG, subliña a necesidade de «unha dotación económica que amorteza o impacto» das medidas da Xunta. Vila advirte que non permitirán que «a xente pague a incompetencia» da Xunta.