Home de 84 anos de Xinzo xulgado por corrupción de menores

Un veciño de Xinzo de Limia de 84 anos será xulgado este mércores no Penal 2 de Ourense por un delito de corrupción de menores. A fiscalía pide inicialmente tres anos de prisión pola gravidade dos feitos.

Os feitos polos que se lle acusa ocorreron presuntamente en novembro de 2022. Segundo a acusación pública, o octoxenerio achegouse en varias ocasións a unha menor de 16 anos e ofreceulle manter relacións sexuais a cambio de diñeiro. A moza asegura que as propostas foron feitas mentres agardaba o autobús na estación de Xinzo.

Aleixamento

O Xulgado mixto de Xinzo ditou un auto o 25 de novembro de 2022 no que prohibía ao acusado achegarse á menor, establecendo unha distancia de seguridade de 150 metros. A medida cautelar tamén lle impedía comunicarse con ela.

Ademais da pena de tres anos de prisión, a fiscalía solicita un aleixamento e prohibición de comunicación durante cinco anos. Neste período, non podería achegarse ao seu domicilio, lugar de estudos ou traballo ou calquera outro lugar frecuentado pola vítima.

O artigo 184.4 do Código Penal castiga quen solicite, acepte ou obteña, a cambio dunha remuneración ou promesa, unha relación sexual con unha persoa menor de idade ou unha persoa con discapacidade necesitada de protección especial. Este precepto castiga esa conduta cunha pena de un a catro anos de prisión. Se o menor non tivese cumprido dezaseis anos de idade, imporse unha pena de dous a seis anos de prisión.

Fonte: www.laregion.es